![Manuscript](../img_360/137v_360.jpg) |
6877 ffro whiche I wole not hide in holde
6878 No pryvete that me is tolde,
6879 That I by word or signe, ywis,
6880 Wole make hem knowe what it is,
6881 And they wolen also tellen me;
6882 They hele fro me no pryvyte.
6883 And forto make yow hem pceyven,
6884 That usen folk thus to disceyven,
6885 I wole you seyn, withouten drede,
6886 What men may in the gospel rede
6887 Of seynt Mathew, the gospelere,
6888 That seith, as I shal you sey heere.
6889 'Uppon the chaire of moyses
6890 Thus is it glosed, doutles:
6891 That is the olde testament,
6892 ffor therby is the chaire ment
6893 Sitte Scribes and pharisen;
6894 That is to seyn, the cursid men
6895 Whiche that we ypocritis calle
6896 Doth that they preche, I rede you Alle,
6897 But doth not as they don a dele,
6898 That ben not wery to seye wele,
6899 But to do wel, no will have they;
6900 And they wolde bynde on folk Alwey,
|