6853   I love no such shryvyng, parde,
6854   But it for other cause be.
6855   I rekke not of pore men,
6856   Her astate is not worth an hen.
6857   Where fyndest thou a swynker of labour
6858   Have me unto his confessour?
6859   But empesses, and duchesses,
6860   Thise queenes, and eke countesses,
6861   Thise abbessis, and eke bygyns,
6862   These gret ladyes palasyns,
6863   These Ioly knyghtis, and baillyves,
6864   Thise nonnes, and thise burgeis wyves,
6865   That riche ben, and eke plesyng,
6866   And thise maidens welfaryng,
6867   Wherso they clad or naked be,
6868   Uncounceiled goth ther noon fro me.
6869   And, for her soules savete,
6870   At lord and lady, and her meyne,
6871   I axe, whanne thei hem to me shryve,
6872   The pprete of al her lyve,
6873   And make hem trowe, bothe meest and leest,
6874   His poch prest nys but a beest
6875   Ayens me and my companye,
6876   That shrewis ben as gret as I;