6781   'Mi modir flemed hym, Seynt Amour:
6782   The noble dide such labour
6783   To susteyne evere the loyalte,
6784   That he to moche agilt me.
6785   He made a book, and lete it write,
6786   ******************************,
6787   And wolde ich reneyed begging,
6788   And lyved by my traveylyng,
6789   If I ne had rent ne other goode.
6790   What? wened he that I were woode?
6791   ffor labour myght me never plese,
6792   I have more wille to bene at ese;
6793   And have wel lever, soth to sey,
6794   Bifore the puple patre and prey,
6795   And wrie me in my foxerie
6796   Under a cope of paperlardie.'
6797   Quod Love, 'What devel is this that I heere?
6798   What wordis tellest thou me heere?'
6799   'What, sir?' 'falsnesse, that apert is;
6800   Thanne dredist thou not god?' 'No, certis:
6801   ffor selde in grete thing shal he spede
6802   In this world, that god wole drede.
6803   ffor folk that hem to vertu yeven,
6804   And truly on her owne lyven,