6589   Although he be religious,
6590   And god to serven curious,
6591   That he ne shal, so mote I go,
6592   With ppre hondis and body Also,
6593   Gete his fode in laboryng,
6594   If he ne have pprete of thing.
6595   Yit shulde he selle all his substaunce,
6596   And with his swynk have sustenaunce,
6597   If he be pfit in bounte.
6598   Thus han tho bookes tolde me:
6599   ffor he that wole gone ydilly,
6600   And usith it ay besily
6601   To haunten other mennens table,
6602   He is a trechour, ful of fable;
6603   Ne he ne may, by gode resoun,
6604   Excuse hym by his orisoun.
6605   ffor men bihoveth, in somme gise,
6606   Ben somtyme in goddis servise
6607   To gone and purchasen her nede.
6608   Men mote eten, that is no drede,
6609   And slepe, and eke do other thing;
6610   So longe may they leve praiyng.
6611   So may they eke her praier blynne,
6612   While that they werke, her mete to wynne.