6517   That riche men han more tecches
6518   Of synne, than han pore wrecches,
6519   And han of counsel more mister;
6520   And therfore I wole drawe hem ner.
6521   But as grete hurt, it may so be,
6522   Hath a soule in right grete povte,
6523   As soule in grete richesse, forsothe,
6524   Al be it that they hurten bothe.
6525   ffor richesse and mendicitees
6526   Ben clepid ii extremytees;
6527   The mene is cleped suffisaunce,
6528   Ther lyth of vtu the Aboundaunce.
6529   ffor Salamon, full wel I wote,
6530   In his parablis us wrote,
6531   As it is knowe to many a wight,
6532   In his thrittene chapitre right:
6533   "God, thou me kepe, for thi pouste,
6534   ffro richesse and mendicite;
6535   ffor if a riche man hym dresse
6536   To thenke to myche on richesse,
6537   His herte on that so fer is sett,
6538   That he his creatour foryett;
6539   And hym, that beggith wole ay greve,
6540   How shulde I bi his word hym leve?