6373   As I was wont; and wostow whye?
6374   ffor I dide hem a tegetrie;
6375   But therof yeve I lytel tale,
6376   I have the silver and the male;
6377   So have I prechid and eke shreven,
6378   So have I take, so have I yeven,
6379   Thurgh her foly, husbonde and wyf,
6380   That I lede right a Ioly lyf,
6381   Thurgh symplesse of the prelacye;
6382   They knowe not al my tregettrie.
6383   'But for as moche as man and wyf
6384   Shulde shewe her poch pst her lyf
6385   Onys a yeer, as seith the book,
6386   Er ony wight his housel took,
6387   Thanne have I pryvylegis large,
6388   That may of mych thing discharge;
6389   ffor he may seie right thus, pde:
6390   "Sir preest, in shrift I telle it thee,
6391   That he, to whom that I am shryven,
6392   Hath me assailed, and me yeven
6393   ffor penaunce sothly, for my synne,
6394   Which that I fonde me gilty ynne;
6395   Ne I ne have nevere entencioun
6396   To make double confessioun,