6349   Somtyme am I prioresse,
6350   And now a nonne, and now Abbesse;
6351   And go thurgh all regiouns,
6352   Sekyng all religiouns.
6353   But to what ordre that I am sworne,
6354   I take the strawe, and bete the corne;
6355   To Ioly folk I enhabite,
6356   I axe nomore but her Abite.
6357   What wole ye more? in evy wise,
6358   Right as me lyst, I me disgise.
6359   Wel can I were me undir wede;
6360   Unlyk is my word to my dede.
6361   Make into my trappis falle,
6362   Thurgh my pryveleges, Alle
6363   That ben in cristendome Alyve.
6364   I may assoile, and I may shryve,
6365   That no prelat may lette me,
6366   All folk, where evere thei founde be:
6367   I note no prelate may done so,
6368   But it the pope be, and no mo,
6369   That made thilk establisshing.
6370   Now is not this a ppre thing?
6371   But, were my sleightis apceyved,
6372   Ne shulde I more been receyved (missing in MS)