![Manuscript](../img_360/123v_360.jpg) |
6205 That awayteth myce and rattes to kyllen, (missing in MS)
6206 Ne entende I but to bigilyng;
6207 Ne no wight may, by my clothing,
6208 Wite with what folk is my dwellyng;
6209 Ne by my wordis yit, parde,
6210 So softe and so plesaunt they be.
6211 Biholde the dedis that I do;
6212 But thou be blynde, thou oughtest so;
6213 ffor, varie her wordis fro her deede,
6214 They thenke on gile, without dreede,
6215 What maner clothing that they were,
6216 Or what estate that evere they bere,
6217 Lered or lewde, lord or lady,
6218 Knyght, squyer, burgeis, or bayly.'
6219 Right thus while falssemblant smoneth,
6220 Eftsones love hym Aresoneth,
6221 And brake his tale in his spekyng
6222 As though he had hym tolde lesyng;
6223 And seide: 'What, devel, is that I here?
6224 What folk hast thou us nempned heere?
6225 May men fynde religioun
6226 In worldly habitacioun?'
6227 'Yhe, sir; it folowith not that they
6228 Shulde lede a wikked lyf, pfey,
|