![Manuscript](../img_360/121r_360.jpg) |
6085 ffor if that I telle you the sothe,
6086 I may have harme and shame bothe.
6087 If that my felowes wisten it,
6088 My talis shulden me be quytt;
6089 ffor certeyne, they wolde hate me,
6090 If ever I knewe her cruelte;
6091 ffor they wolde overall holde hem stille
6092 Of trouthe that is ageyne her wille;
6093 Suche tales kepen they not here.
6094 I myght eftsoone bye it full deere,
6095 If I seide of hem ony thing,
6096 †at ought displesith to her heryng.
6097 ffor what word that hem prikke or biteth,
6098 In that word noon of hem deliteth,
6099 Al were it gospel, the evangile,
6100 That wolde reprove hem of her gile,
6101 ffor they are cruel and hauteyne.
6102 And this thyng wote I well, certeyne,
6103 If I speke ought to peire her loos,
6104 Your court shal not so well be cloos,
6105 That they ne shall wite it atte last.
6106 Of good men am I nought Agast,
6107 ffor they wole taken on hem nothyng,
6108 Whanne that they knowe al my menyng;
|