![Manuscript](../img_360/118v_360.jpg) |
5965 Yit wolde I swere, for sikirnesse,
5966 The pole of helle to my witnesse,
5967 Now drynke I not this yeere clarre,
5968 If that I lye, or forsworne be!
5969 ffor of the goddes the usage is,
5970 That who so hym forswereth Amys,
5971 Shal that yeer drynke no clarre.
5972 Now have I sworne ynough, pdee;
5973 If I forswere me, thanne am I lorne,
5974 But I wole never be forsworne.
5975 Syth Richesse hath me failed heere,
5976 She shal abye that trespas ful dere,
5977 Atte leest wey, but hir Arme
5978 With swerd, or sparth, or gysarme.
5979 ffor certis, sith she loveth not me,
5980 ffro thilk tyme that she may se
5981 The castell and the tour to shake,
5982 In sory tyme she shal Awake.
5983 If I may grepe a riche man,
5984 I shal so pulle hym, if I can,
5985 That he shal, in a fewe stoundes,
5986 Lese all his markis and his poundis.
5987 I shal hym make his pens outslynge,
5988 But they in his gerner sprynge;
|