5773   They neither love god, ne drede;
5774   They kepe more than it is nede,
5775   And in her bagges sore it bynde,
5776   Out of the sonne, and of the wynde;
5777   They putte up more than nede were,
5778   Whanne they seen pore folk forfare,
5779   ffor hunger die, and for cold quake;
5780   God can wel vengeaunce therof take.
5781   The gret myscheves hem Assailith,
5782   And thus in gadring ay travaylith;
5783   With mych peyne they wynne richesse;
5784   And drede hem holdith in distresse,
5785   To kepe that they gadre faste;
5786   With sorwe they leve it at the laste;
5787   With sorwe they bothe dye and lyve,
5788   That unto richesse her hertis yive,
5789   And in defaute of love it is,
5790   As it shewith ful wel, iwys.
5791   ffor if this gredy, the sothe to seyn,
5792   Loveden, and were loved Ageyn,
5793   And goode love regned over All,
5794   Such wikkidnesse ne shulde fall;
5795   But he shulde yeve that most good hadde
5796   To hem that weren in nede bistadde,