5725   Her wynnyng is of such swetnesse,
5726   That if a man falle in sikenesse,
5727   They are full glad, for ther encrese;
5728   ffor by her wille, withoute lees,
5729   Everiche man shulde be seke,
5730   And though they die, they sette not a leke.
5731   After, whanne they the gold have take,
5732   ffull litel care for hem they make.
5733   They wolde that fourty were seke at onys,
5734   Yhe, ii hundred, in flesh and bonys,
5735   And yit ii thousand, as I gesse,
5736   fforto encresen her richesse.
5737   They wole not worchen, in no wise,
5738   But for lucre and coveitise;
5739   ffor fysic gynneth first by fy,
5740   The phicicien also sorthely;
5741   And sithen it goth fro fy to fy;
5742   To truste on hem, is foly;
5743   ffor they nyl, in no maner gre,
5744   Do right nought for charite.
5745   'Eke in the same secte ar sette
5746   All tho that prechen forto gete
5747   Worshipes, honour, and *ichesse.
5748   Her hertis arn in grete distresse,