5677   The whiche doth hym lasse offense,
5678   ffor he suffrith in pacience.
5679   They laugh and daunce, trippe and synge,
5680   And ley not up for her lyvyng,
5681   But in the taverne all dispendith
5682   The wynnyng that god hem sendith.
5683   Thanne goth he, fardeles forto bere,
5684   With as good chere as he dide ere;
5685   To swynke and traveile he not feyntith,
5686   ffor forto robben he disdeyntith;
5687   But right anoon, aftir his swynke,
5688   He goth to taverne forto drynke.
5689   All these ar riche in Abundaunce,
5690   That can thus have suffisaunce
5691   Wel more than can an usurere,
5692   As god wel knowith, withoute were.
5693   ffor an usurer, so god me se,
5694   Shal nevere for richesse riche be,
5695   But evermore pore and indigent,
5696   Scarce, and gredy in his entent.
5697   'For soth it is, whom it displese,
5698   Ther may no marchaunt lyve at ese,
5699   His herte in sich a where is sett,
5700   That it quyk brenneth to gete,