![Manuscript](../img_360/108r_360.jpg) |
5461 Ne shal they fynde unnethis oon,
5462 Whanne poverte is comen upon.
5463 ffor thus fortune that I of telle,
5464 With men whanne hir lust to dwelle,
5465 Makith men to leese her conisaunce,
5466 And norishith hem in ignoraunce.
5467 'But froward fortune and perverse,
5468 Whanne high estatis she doth reverse,
5469 And maketh hem to tumble doune
5470 Or with hir whele, with sodeyn tourne,
5471 And from her richesse doth hem fle,
5472 And plongeth hem in poverte,
5473 As a stepmoder envyous,
5474 And leieth a plastre dolorous
5475 Unto her hertis, wounded egre,
5476 Which is not tempred with vynegre,
5477 But with poverte and indigence,
5478 fforto shewe, by experience,
5479 That she is fortune verelye
5480 In whom no man shulde Affye,
5481 Nor in hir yeftis have fiaunce,
5482 She is so full of variaunce.
5483 Thus kan she maken high and lowe,
5484 Whanne they from richesse arn throwe,
|