5437   In every pell and myschaunce,
5438   Withoute chaunge or variaunce,
5439   Bothe of catell and of goode;
5440   And also forto spende her bloode
5441   And all her membris forto spille,
5442   Oonly to fulfille her wille.
5443   They maken it hole in many wise,
5444   And hoten hem her full servise,
5445   How sore that it do hem smerte,
5446   Into her naked sherte!
5447   Herte and all, so hole they yeve,
5448   ffor the tyme that they may lyve,
5449   So that, with her flaterie,
5450   They maken foolis glorifie
5451   Of her wordis spekyng,
5452   And han cheer of a reioysyng,
5453   And trowe hem as the evangile;
5454   And it is all falsheede and gile,
5455   As they shal aftirward se,
5456   Whanne they arn falle in poverte,
5457   And ben of good and catell bare;
5458   Thanne shulde they sene who freendis ware.
5459   ffor of an hundred, certeynly,
5460   Nor of a thousande full scarsly,