5197   And bringith thee in many a fitte,
5198   And ravysshith fro thee al thi witte,
5199   It is so merveilouse and queynte;
5200   With such love be no more Aqueynte. Coment Raisou
5201   'Love of freendshipp also ther is, Diffinist aunsete
5202   Which makith no man done Amys,
5203   Of wille knytt bitwixe two,
5204   That wole not breke for wele ne woo;
5205   Which long is likly to contune,
5206   Whanne wille and goodis ben in comune;
5207   Grounded by goddis ordinaunce,
5208   Hoole, withoute discordaunce;
5209   With hem holdyng comunte
5210   Of all her goode in charite,
5211   That ther be noon excepcioun
5212   Thurgh chaungyng of entencioun;
5213   That ech helpe other at her neede,
5214   And wisely hele bothe word and dede;
5215   Trewe of menyng, devoide of slouthe,
5216   ffor witt is nought without trouthe;
5217   So that the ton dar all his thought
5218   Seyn to his freend, and spare nought,
5219   As to hym silf, without dredyng
5220   To be discovered by wreying.