5031   In fruyt they shulde hem delyte;
5032   Her part they may not elles quyte,
5033   To save hem silf in honeste.
5034   And yit full many one I se
5035   Of wymmen, sothly forto seyne,
5036   That desire and wolde fayne
5037   The pley of love, they be so wilde,
5038   And not coveite to go with childe.
5039   And if with child they be pchaunce,
5040   They wole it holde a gret myschaunce;
5041   But what som ever woo they fele,
5042   They wole not pleyne, but concele;
5043   But if it be ony fool or nyce,
5044   In whom that shame hath no Iustice.
5045   fforto delyte echone they drawe,
5046   That haunte this werke, bothe high and lawe,
5047   Save sich that arn worth right nought,
5048   That for money wole be bought.
5049   Such love I preise in no wise,
5050   Whanne it is goven for coveitise.
5051   I preise no womman, though so be wood,
5052   That yeveth hir silf for ony good.
5053   ffor litel shulde a man telle
5054   Of hir, that wole hir body selle,