5007   Whiche causen hir to mourne in woo
5008   That youthe hath hir bigiled so,
5009   Which sodeynly awey is hasted.
5010   She weped the tyme that she hath wasted,
5011   Compleynyng of the preterit,
5012   And the present, that not Abit,
5013   And of hir olde vanite,
5014   That, but aforn hir she may see
5015   In the future somme socour,
5016   To leggen hir of hir dolour,
5017   To graunte hir tyme of repentaunce,
5018   ffor her synnes to do penaunce,
5019   And atte the laste so hir governe
5020   To wynne the Ioy that is eterne,
5021   ffro which go bakward youthe he made,
5022   In vanite to droune and wade.
5023   ffor present tyme abidith nought,
5024   It is more swift than any thought;
5025   So litel while it doth endure
5026   That ther nys compte ne mesure.
5027   But hou that evere the game go,
5028   Who list to love ioye and mirth Also
5029   Of love, be it he or she,
5030   High or lowe, who it be,