4863   To use that werke on such a wise,
4864   That oon may thurgh another rise.
4865   Therfore sette kynde therynne delite,
4866   ffor men therynne shulde hem delite,
4867   And of that deede be not erke,
4868   But ofte sithes haunt that werke.
4869   ffor noon wolde drawe therof a draught
4870   Ne were delite, which hath hym kaught.
4871   This hadde sotille dame Nature;
4872   ffor noon goth right, I thee ensure,
4873   Ne hath entent hool ne parfigt;
4874   ffor her desir is for delyte,
4875   The which fortened crece and eke
4876   The pley of love for ofte seke,
4877   And thrall hem silf, they be so nyce,
4878   Unto the prince of every vise.
4879   ffor of ech synne it is the rote,
4880   Unlefull lust, though it be sote,
4881   And of all yvell the racyne,
4882   As Tulius can determyne,
4883   Which in his tyme was full sage,
4884   In a boke he made of Age,
4885   Where that more he preyseth eelde,
4886   Though he be croked and unweelde,