4625   That was posshed in every side,
4626   That I nyst where I myght Abide,
4627   Till she, demurely sad of chere,
4628   Seide to me as she come nere:
4629   'Myne owne freend, art thou yit greved?
4630   How is this quarell yit
4631   Of loves side? anoon me telle;
4632   Hast thou not yit of love thi fille?
4633   Art thou not wery of thy servise
4634   That the hath in sich wise?
4635   What ioye hast thou in thy lovyng?
4636   Is it swete or bitter thyng?
4637   Canst thou yit chese, late me see,
4638   What best thi socour myght be?
4639   'Thou servest a full noble lorde,
4640   That maketh thee thrall for thi rewarde,
4641   Which ay renewith thy turment,
4642   With foly so he hath thee blent.
4643   Thou fell in mycheef thilke day,
4644   Whanne thou didist, the sothe to say,
4645   Obeysaunce and eke homage;
4646   Thou wroughtest no thyng as the sage.
4647   Whanne thou bicam his liege man,
4648   Thou didist a gret foly than;