![Manuscript](../img_360/089v_360.jpg) |
4579 If wikkednesse ne reve it thee;
4580 But sone, I trowe, that shall not be."
4581 These were his wordis by and by;
4582 It semede he lovede me trewly.
4583 Now is ther not but serve hym wele,
4584 If that I thenke his thanke to fele.
4585 My good, myne harme, lyth hool in me;
4586 In love may no defaute be;
4587 ffor trewe love ne failide never man.
4588 Sothly, the faute mote nedys than
4589 As god forbede be founde in me,
4590 And how it cometh, I can not see.
4591 Now late it goon as it may goo;
4592 Whether love wole socoure me or sloo,
4593 He may do hool on me his wille.
4594 I am so sore bounde hym tille,
4595 ffrom his servise I may not fleen;
4596 ffor lyf and deth, withouten wene,
4597 Is in his hande; I may not chese;
4598 He may me doo bothe wynne and leese.
4599 And sith so sore he doth me greve,
4600 Yit, if my lust he wolde Acheve
4601 To Bialacoil goodly to be,
4602 I yeve no force what felle on me.
|