4555   Curtesie certeyn dide he me,
4556   So mych, that may not yolden be,
4557   Whanne he the hay passen me lete,
4558   To kisse the rose, faire and swete;
4559   Shulde I therfore cunne hym mawgre?
4560   Nay, certeynly, it shal not be;
4561   ffor love shall nevere, yeve good wille,
4562   Here of me, thurgh word or wille,
4563   Offence or complaynt, more or lesse,
4564   Neither of hope nor Idilnesse;
4565   ffor certis, it were wrong that I
4566   Hated hem for her curtesie.
4567   Ther is not ellys, but suffre and thenke,
4568   And waken whanne I shulde wynke;
4569   Abide in hope, til love, thurgh chaunce,
4570   Sende me socour or Allegeaunce,
4571   Expectant ay till I may mete
4572   To geten mercy of that swete.
4573   'Whilom I thenke how love to me
4574   Seide he wolde take att gree
4575   My servise, if unpacience
4576   Caused me to done offence.
4577   He seide, "In thank I shal it take,
4578   And high maister eke thee make,