4435   If hope me faile, thanne am I
4436   Ungracious and unworthy;
4437   In hope I wole comforted be,
4438   ffor love, whanne he bitaught hir me,
4439   Seide, that hope, where so I goo,
4440   Shulde ay be reles to my woo.
4441   But what and she my baalis beete,
4442   And be to me curteis and sweete?
4443   She is in no thyng full certeyne.
4444   Lovers she putt in full gret peyne,
4445   And makith hem with woo to deele.
4446   Hir faire biheeste disceyveth feele,
4447   ffor she wole byhote, sikirly,
4448   And failen aftir outrely.
4449   A! that is a full noyous thyng!
4450   ffor many a lover, in lovyng,
4451   Hangeth upon hir, and trusteth fast,
4452   Whiche leese her travel at the last.
4453   Of thyng to comen she woot right nought;
4454   Therfore, if it be wysely sought,
4455   Hir counseill, foly is to take.
4456   ffor many tymes, whanne she wole make
4457   A full good Silogisme, I dreede
4458   That aftirward ther shal in deede