3883   Of Bialacoil, hertis to lure,
3884   In loves servyse forto endure,
3885   Drawyng such folk hym too,
3886   That he hath no thyng with to doo;
3887   But in sothnesse I trowe nought,
3888   That Bialacoil hadde ever in thought
3889   To do trespace or vylonye;
3890   But, for his modir curtesie
3891   Hath taught hym ever to be
3892   Good of aqueyntaunce and pryve;
3893   ffor he loveth noon hevynesse,
3894   But mirthe and pley, and all gladnesse;
3895   He hateth all trechours,
3896   Soleyn folk and envyous;
3897   ffor ye witen how that he
3898   Wole ever glad and ioyfull be
3899   Honestly with folk to pleye.
3900   I have be negligent, in good feye,
3901   To chastise hym; therfore now I
3902   Of herte I crye you heere mercy,
3903   That I have been so recheles
3904   To tamen hym, withouten lees.
3905   Of my foly I me repente;
3906   Now wole I hoole sette myn entente