3691   Be sore empressid, I you ensure,
3692   And drawen out of the pressure.
3693   But I, forpeyned wonder stronge,
3694   Though that I aboode right longe
3695   Aftir the kis, in peyne and woo,
3696   Sith I to kis desired soo:
3697   Till that, rennyng on my distresse,
3698   Ther come venus the goddesse,
3699   Which ay werieth chastite,
3700   Came of hir grace, to socoure me,
3701   Whos myght is knowe ferre and wide,
3702   For she is modir of cupide,
3703   The god of love, blynde as stoon,
3704   That helpith lovers many oon.
3705   This lady brought in hir right honde
3706   Of brennyng fyre a blasyng bronde;
3707   Wherof the flawme and hoote fire
3708   Hath many a lady in desire
3709   Of love brought, and sore hette,
3710   And in hir servise her herte is sette.
3711   This lady was of good entaile,
3712   Right wondirfull of Apparayle;
3713   Bi hir atyre so bright and shene,
3714   Men myght pceyve well, and sene,