3571   Voideth from hym youre ire, I rede;
3572   Ye may not wynnen in this dede.
3573   Makith Bialacoil repeire Ageyn,
3574   And haveth pite upon his peyne;
3575   ffor fraunchise wole, and I, pite,
3576   That mercyful to hym ye be;
3577   And sith that she and I Accorde,
3578   Have upon hym misericorde;
3579   ffor I you pray, and eke moneste,
3580   Nought to refusen oure requeste;
3581   ffor he is hard and fell of thought,
3582   That for us twoo wole do right nought.'
3583   Daunger ne myght no more endure,
3584   He mekede hym unto mesure.
3585   'I wole in no wise,' seith daungere,
3586   'Denye that ye have asked heere;
3587   It were to gret uncurtesie.
3588   I wole ye have the companye
3589   Of Bialacoil, as ye devise;
3590   I wole hym lette in no wise.'
3591   To Bialacoil thanne wente in high
3592   ffraunchise, and seide full curteislye:
3593   'Ye have to longe be deignous
3594   Unto this lover, and daungerous,