3427   That I may love, all oonly;
3428   Noon other thyng of you aske I.
3429   I shall doon ell well, iwys,
3430   If of youre grace ye graunte me this.
3431   And ye may not letten me,
3432   ffor wel wot ye that love is free,
3433   And I shall loven, sichen that I wille,
3434   Who evere like it well or ille;
3435   And yit ne wold I, for all fraunce,
3436   Do thyng to do you displesaunce.'
3437   Thanne daunger fille in his entent
3438   fforto foryeve his male talent;
3439   But all his wratthe yit at laste
3440   He hath relesed, I preyde so faste:
3441   Shortly he seide, 'Thy request
3442   Is not to mochel dishonest;
3443   Ne I wole not werne it thee,
3444   ffor yit no thyng engreveth me.
3445   ffor though thou love thus evermore,
3446   To me is neither softe ne soore.
3447   Love where that the list; what recchith me,
3448   So fer fro my roses be?
3449   Trust not on me, for noon Assay,
3450   I ony tyme to passe the hay.'