![Manuscript](../img_360/066v_360.jpg) |
3379 He wole make aftir, in his beryng,
3380 Been, for service and obeysshyng.
3381 I shal thee telle what thou shalt doo:
3382 Mekely I rede thou go hym to,
3383 Of herte pray him specialy
3384 Of thy trespace to have mercy,
3385 And hote hym well, here to plese,
3386 That thou shalt nevermore hym displese.
3387 Who can best serve of flaterie,
3388 Shall please daunger most uttirly.
3389 Mi freend hath seid to me so wel,
3390 That he me esid hath somdell,
3391 And eke allegged of my torment;
3392 ffor thurgh hym had I hardement
3393 Agayn to daunger forto go,
3394 To preve if I myght meke hym soo.
3395 To daunger came I, all Ashamed,
3396 The which aforn me hadde blamed,
3397 Desiryng forto pese my woo;
3398 But over hegge durst I not goo,
3399 ffor he forbede me the passage.
3400 I fonde hym cruel in his rage,
3401 And in his honde a gret burdoun.
3402 To hym I knelide lowe Adoun,
|