3235   If foly have supprised thee,
3236   Do so that it recovered be;
3237   And be wel ware to take no more
3238   Counsel, that greveth aftir sore;
3239   He is wise that wole hym silf chastise.
3240   And though a yong man in ony wise
3241   Trespace amonge, and do foly,
3242   Late hym not tarye, but hastily
3243   Late hym amende what so be mys.
3244   And eke I counseile thee, iwys,
3245   The god of love hoolly foryete,
3246   That hath thee in sich peyne sette,
3247   And thee in herte tourmented soo.
3248   I can sene how thou maist goo
3249   Other weyes to garisoun;
3250   ffor daunger, that is so feloun,
3251   ffelly purposith thee to werye,
3252   Which is ful cruel, the soth to seye.
3253   'And yitt of daunger cometh no blame,
3254   In rewarde of my doughter shame,
3255   Which hath the roses in hir warde,
3256   As she that may be no musarde.
3257   And wikked tunge is with these two,
3258   That suffrith no man thider goo;