3115   That ye desire, it may not Arise.
3116   What? wolde ye shende me in this wise?
3117   A mochel foole thanne I were,
3118   If I suffride you awey to bere
3119   The fresh bothom, so faire of sight.
3120   ffor it were neither skile ne right
3121   Of the roser ye broke the rynde,
3122   Or take the rose aforn his kynde;
3123   Ye are not curteys to aske it.
3124   Late it still on the roser sitt,
3125   And late it growe til it amended be,
3126   And pfytly come to beaute.
3127   I nolde not that it pulled were
3128   ffro the roser that it bere,
3129   To me it is so leef and deere.'
3130   With that sterte oute anoon daungere,
3131   Out of the place were he was hidde.
3132   His malice in his chere was kidde;
3133   fful grete he was, and blak of hewe,
3134   Sturdy and hidous, whoso hym knewe;
3135   Like sharp urchouns his here was growe,
3136   His eyes rede as the fire-; (line missing in ms)
3137   His nose frounced full kirked stoode,
3138   He come criande as he were woode,