3067   ffor Bialacoil, that was so faire
3068   So gracious and debonaire,
3069   Quytt hym to me full curteislye,
3070   And, me to please, bade that I
3071   Shulde drawe me to the bothom nere;
3072   Prese in, to touche the rosere
3073   Which bare the roses, he yaf me leve;
3074   This graunte ne myght but lytel greve.
3075   And for he sawe it liked me,
3076   Ryght nygh the bothom pullede he
3077   A leef all grene, and yaff me that,
3078   The whiche full nygh the bothom sat;
3079   I made of that leef full queynte.
3080   And whanne I felte I was Aqueynte
3081   With Bialacoil, and so pryve,
3082   I wende all at my will hadde be.
3083   Thanne waxe I hardy forto telle
3084   To Bialacoil hou me bifelle
3085   Of love, that toke and wounded me,
3086   And seide: 'sir, so mote I thee,
3087   I may no ioye have in no wise,
3088   Uppon no side, but it rise;
3089   ffor sithe if I shall not feyne
3090   In herte I have hadde so gret peyne,