![Manuscript](../img_360/055v_360.jpg) |
2851 She wist full well that swete spekyng
2852 Comfortith in full mych thyng.
2853 Hir love she hadde full well Assaid,
2854 Of hem she was full well Apaied;
2855 To speke of hym hir ioye was sett.
2856 Therfore I rede thee that thou gett
2857 A felowe that can well concele
2858 And kepe thi counsell, and well hele,
2859 To whom go shewe hoolly thine herte,
2860 Bothe well and woo, ioye and smerte:
2861 To gete comfort to hym thou goo,
2862 And pryvyly, bitwene yow twoo,
2863 Yee shall speke of that goodly thyng,
2864 That hath thyne herte in hir kepyng;
2865 Of hir beaute and hir semblaunce,
2866 And of hir goodly countenaunce.
2867 Of all thi state thou shalt hym seye,
2868 And aske hym counseill how thou may
2869 Do ony thyng that may hir plese;
2870 ffor it to thee shall do gret ese,
2871 That he may wite thou trust hym soo,
2872 Bothe of thi wele and of thi woo.
2873 And if his herte to love be sett,
2874 His companye is myche the bett,
|