2827   To bringe hem out of woo and were,
2828   And helpe many a bachilere;
2829   And many a lady sent socoure,
2830   That have loved pamour,
2831   Thorough spekyng, whanne they myght heere
2832   Of her lovers, to hem so dere.
2833   To me it voidith all her smerte,
2834   The which is closed in her herte.
2835   In herte it makith hem glad and light,
2836   Speche, whanne they mowe have sight.
2837   And therfore now it cometh to mynde,
2838   In olde dawes, as I fynde,
2839   That clerkis writen that hir knewe,
2840   Ther was a lady fresh of hwe,
2841   Which of hir love made a songe
2842   On hym forto remembre Amonge,
2843   In which she seide, "Whanne that I here
2844   Speken of hym that is so dere,
2845   To me it voidith all smerte,
2846   Iwys, he sittith so nere myne herte.
2847   To speke of hym, at eve or morwe,
2848   It cureth me of all my sorwe.
2849   To me is noon so high plesauce
2850   As of his psone dalyaunce."