![Manuscript](../img_360/050r_360.jpg) |
2587 I wolde this thought wolde come Ageyne,
2588 ffor it aleggith well my peyne.
2589 It makith me full of ioyful thought,
2590 It sleth me, that it lastith noght.
2591 A, lord! why nyl ye me socoure,
2592 The ioye, I trowe, that I langoure?
2593 The deth I wolde me shulde sloo
2594 While I lye in hir armes twoo.
2595 Myne harme is harde, withouten wene,
2596 My gret unease full ofte I meene.
2597 But wolde love do so I myght
2598 Have fully ioye of hir so bright,
2599 My peyne were quytte me rychely.
2600 Allas, to grete a thing aske I!
2601 It is but foly, and wrong wenyng,
2602 To aske so outrageous a thyng.
2603 And who so askith folily,
2604 He mote be warned hastily;
2605 And I ne wote what I may say,
2606 I am so fer out of the way;
2607 ffor I wolde have full gret likyng
2608 And full gret ioye of lasse thing.
2609 ffor wolde she, of hir gentylnesse,
2610 Without more, me oonys kysse,
|