2299   Now can he pleyne, now can he grone,
2300   Now can he syngen, now maken mone.
2301   To day he pleyneth for hevynesse,
2302   To morowe he pleyneth for iolynesse.
2303   The lyf of love is full contrarie,
2304   Which stounde mele can ofte varie.
2305   But if thou canst mirthis make,
2306   That men in gre wole gladly take,
2307   Do it goodly, I comaunde thee;
2308   ffor men shulde, where so evere they be,
2309   Do thing that hem sittyng is,
2310   ffor therof cometh good loos and pris.
2311   Whereof that thou be vertuous,
2312   Ne be not straunge ne daungerous.
2313   ffor if that thou good ridere be,
2314   Prike gladly, that men may se.
2315   In armes also if thou konne,
2316   Pursue, to thou a name hast wonne.
2317   And if thi voice be faire and clere,
2318   Thou shalt maken gret daungere
2319   Whanne to synge they goodly prey;
2320   It is thi worship forto beye.
2321   Also to you it longith Ay
2322   To harpe and gitterne, daunce and play;