2179   I curse and blame generaly
2180   All hem that loven vilanye;
2181   ffor vilanye makith vilayn,
2182   And by his dedis a cherle is seyn.
2183   Thise vilayns arn withouten pitee,
2184   ffrendshipe, love, and all bounte.
2185   I nyl resseyve unto my servise
2186   Hem that ben vilayns of emprse.
2187   'But undirstonde in thyn entent,
2188   That this is not myn entendement,
2189   To clepe no wight in noo Ages
2190   Oonly gentill for his lynages.
2191   But who so is vertuous,
2192   And in his port nought outrageous,
2193   Whanne sich oon thou seest thee biforn,
2194   Though he be not gentill born,
2195   Thou maist well seyn, this is in soth,
2196   That he is gentil, by cause he doth
2197   As longeth to a gentilman;
2198   Of hem noon other deme I can.
2199   ffor certeynly, withouten drede,
2200   A cherle is demed by his dede,
2201   Of hie or lowe, as ye may see,
2202   Or of what kynrede that he bee.