2155   Now is good to here, in fay,
2156   If ony be that can it say,
2157   And poynte it as the resoun is
2158   Set; for other gate, ywys,
2159   It shal nought well in all thyng
2160   Be brought to good undirstondyng:
2161   ffor a reder that poyntith ille
2162   A good sentence may ofte spille.
2163   The book is good at the eendyng,
2164   Maad of newe and lusty thyng;
2165   ffor who so wole the eendyng here,
2166   The crafte of love he shall mowe lere,
2167   If that ye wole so long Abide,
2168   Tyl I this Romance may unhide,
2169   And undo the signifiaunce
2170   Of this dreme into Romance.
2171   The sothfastnesse that now is hidde,
2172   Without coverture shall be kidde,
2173   Whanne I undon have this dremyng,
2174   Wherynne no word is of lesyng.
2175   'Vilanye, atte the bigynnyng,
2176   I wole,' say love, 'over all thyng,
2177   Thou leve, if thou wolt be
2178   ffals, and trespasse ageyns me.