2107   I seye nought for recreaundise,
2108   ffor I nought doute of youre servise.
2109   But the servaunt traveileth in vayne,
2110   That forto serven doth his payne
2111   Unto that lord, which in no wise
2112   Kan hym no thank for his servyse.'
2113   Love seide, 'Dismaie thee nought,
2114   Syn thou for sokour hast me sought,
2115   In thank thi servise wole I take,
2116   And high of degre I wole thee make,
2117   If wikkidnesse ne hyndre thee;
2118   But, (as I hope), it shal nought be.
2119   To worshipe no wight by Aventure
2120   May come, but if he peyne endure.
2121   Abide and suffre thy distresse;
2122   That hurtith now, it shal be lesse;
2123   I wote my silf what may thee save,
2124   What medicyne thou woldist have.
2125   And if thi trouthe to me thou kepe,
2126   I shal unto thyn helpyng eke,
2127   To cure thy woundes and make hem clene,
2128   Where so they be olde or grene;
2129   Thou shalt be holpen, at wordis fewe.
2130   ffor certeynly thou shalt well shewe