![Manuscript](../img_360/036r_360.jpg) |
1867 That I agayn fell in swonyng,
1868 And sighede sore in compleynyng.
1869 Soore I compleyned that my sore
1870 On me gan greven more and more.
1871 I hadde noon hope of Allegeaunce;
1872 So nygh I drowe to desperaunce,
1873 I rought of deth ne of lyf,
1874 Whader that love wolde me dryf.
1875 Yf me a martir wolde he make,
1876 I myght his power nought forsake.
1877 And while for anger thus I woke,
1878 The god of love an arowe toke;
1879 fful sharpe it was and pugnaunt,
1880 And it was callid faire semblaunt,
1881 The which in no wise wole consente,
1882 That ony lover hym repente
1883 To serve his love with herte and All,
1884 ffor ony pill that may bifall.
1885 But though this arwe was kene grounde
1886 As ony rasour that is founde,
1887 To kutte and kerve, at the poynt,
1888 The god of love it hadde Anoynt
1889 With a precious oynement,
1890 Somdell to yeve a leggement
|