![Manuscript](../img_360/035v_360.jpg) |
1843 But o thing lyked me right well;
1844 I was so nygh, I myght fele
1845 Of the bothom the swote odour,
1846 And also se the fresshe colour;
1847 And that right gretly liked me,
1848 That I so neer myght it se.
1849 Sich ioie anoon therof hadde I,
1850 That I forgate my maladie.
1851 To sene I hadde siche delit,
1852 Of sorwe and angre I was al quyte,
1853 And of my woundes that I hadde thore;
1854 ffor no thing liken me myght more
1855 Than dwellen by the roser Ay,
1856 And thens never to passe Away.
1857 But whanne a while I hadde be thare,
1858 The god of love, which alto share
1859 Myn herte with his arwis kene,
1860 Castith hym to yeve me woundis grene.
1861 He shette at me full hastily
1862 An arwe named company,
1863 The which takell is full Able
1864 To make these ladies merciable.
1865 Thanne I anoon gan chaungen hewe
1866 ffor grevaunce of my wounde newe,
|