1291   In sich a gise, that he hir kyste
1292   At all tymes that hym lyste,
1293   That all the daunce myght it see;
1294   They make no force of pryvete;
1295   ffor who spake of hem yvel or well,
1296   They were ashamed neveradell,
1297   But men myght seen hem kisse there,
1298   As it two yonge dowves were.
1299   ffor yong was thilke bachelere,
1300   Of beaute wot I noon his pere;
1301   And he was right of sich an Age
1302   As youthe his leef, and sich corage.
1303   The lusty folk that daunced there,
1304   And also other that with hem were,
1305   That weren all of her meyne;
1306   fful hende folk, and wys, and free,
1307   And folk of faire port, truly,
1308   There were all comunly.
1309   Whanne I hadde seen the countenaunces
1310   Of hem that ladden thus these daunces,
1311   Thanne hadde I wil to gon and see
1312   The gardyne that so lyked me,
1313   And loken on these faire loreyes,
1314   On pyntrees, cedres, and oliveris.