1029   In world is noon so faire a wight;
1030   ffor yonge she was, and hewed bright,
1031   Sore plesaunt, and fetys with All,
1032   Gente, and in hir myddill small.
1033   Biside Beaute yede Richesse,
1034   An hight lady of gret noblesse,
1035   And greet of prys in every place.
1036   But who so durste to hir trespace,
1037   Or til hir folk, in werk or dede,
1038   He were full hardy, out of drede;
1039   ffor bothe she helpe and hyndre may:
1040   And that is nought of yisterday
1041   That riche folk have full gret myght
1042   To helpe, and eke to greve a wyght.
1043   The beste and grettest of valour
1044   Diden Rychesse ful gret honour,
1045   And besy were hir to serve;
1046   ffor that they wolde hir love deserve,
1047   They cleped hir lady, grete and small;
1048   This wide world hir dredith All;
1049   This world is all in hir daungere.
1050   Hir court hath many a losengere,
1051   And many a traytour envyous,
1052   That ben ful besy and curyous