![Manuscript](../img_360/018r_360.jpg) |
909 But nyghtyngales, a full grete route,
910 That flyen over his heed Aboute,
911 The leeves felden as they flyen;
912 And he was all with briddes wryen,
913 With popyniay, with nyghtyngale,
914 With chalaundre, and with wodewale,
915 With fynche, with lark, and with Archaungell.
916 He semede as he were an Aungell
917 That doun were comen fro hevene clere.
918 Love hadde with hym a bachelere,
919 That he made alleweyes with hym be;
920 Swete lokyng cleped was he.
921 This bachelere stode biholdyng
922 The daunce, and in his honde holdyng
923 Turke bowes two full wel deuysed had he.
924 That oon of hem was of a tree
925 That bereth a fruyt of savour wykke;
926 fful crokid was that foule stikke,
927 And knotty here and there Also,
928 And blak as bery, or ony slo.
929 That othe[r] bowe was of a plant
930 Withoute wem, I dar warant,
931 fful evene, and by proporcioun
932 Treitys and long, of ful good fasoun.
|