![Manuscript](../img_360/016r_360.jpg) |
813 The shap, the bodies, and the cheres,
814 The countenaunce and the maneres
815 Of all the folk that daunced there,
816 And I shal tell what they were.
817 Ful faire was myrthe, ful longe and high;
818 A fairer man I nevere sigh.
819 As rounde as appille was his face,
820 fful rody and white in every place.
821 ffetys he was and wel beseye,
822 With metely mouth and yen greye;
823 His nose by mesure wrought ful right;
824 Crispe was his heer, and eek ful bright.
825 Hise shuldris of a large brede,
826 And smalish in the girdilstede.
827 He semed lyke a portreiture,
828 So noble he was of his stature,
829 So faire, so Ioly, and so fetys,
830 With lymes wrought at poynt devys,
831 Delyver, smert, and of grete myght;
832 Ne sawe thou nevere man so lyght.
833 Of berde unnethe hadde he no thyng,
834 ffor it was in the first spryng.
835 fful yonge he was, and mery of thought,
836 And in samette, with briddis wrought,
|