789   To dauncen well coude they the gise;
790   What shulde I more to you devyse?
791   Ne bode I never thennes go,
792   Whiles that I sawe hem daunce so.
793   Upon the caroll wonder faste,
794   I gan biholde; til atte laste
795   A lady gan me forto espie,
796   And she was cleped curtesie,
797   The worshipfull, the debonaire;
798   I pray to god evere falle hir faire!
799   fful curteisly she callede me,
800   'What do ye there, beau sir?' quod she,
801   'Come , and if it lyke yow
802   To dauncen, dauncith with us now.'
803   And I, without tariyng,
804   Wente into the carolyng.
805   I was abasshed never a dell,
806   But it to me liked right well,
807   That curtesie me cleped so,
808   And bad me on the daunce go.
809   ffor if I hadde durst, certeyn
810   I wolde have caroled right fayn,
811   As man that was to daunce right blithe.
812   Thanne gan I loken ofte sithe