![Manuscript](../img_360/014r_360.jpg) |
717 Sume high and sume eke lowe songe
718 Upon the braunches grene spronge.
719 The swetnesse of her melodye
720 Made al myn herte in reverye.
721 And whan that I hadde herde, I trowe,
722 These briddis syngyng on a rowe,
723 Than myght I not with holde me
724 That I ne wente inne forto see
725 Sir Myrthe; for my desiryng
726 Was hym to seen, over all thyng,
727 His countenaunce and his manere:
728 That sight was to me ful dere.
729 Tho wente I forth on my right honde
730 Doun by a lytel path I fonde
731 Of mentes full, and fenell grene;
732 And fast by, without wene,
733 Sir Myrthe I fonde; and right Anoon
734 Unto sir Myrthe gan I goon,
735 There as he was, hym to solace.
736 And with hym, in that lusty place,
737 So faire folk and so fresh had he,
738 That whan I sawe, I wondred me
739 ffro whenne siche folk myght come,
740 So faire they weren, all and some;
|