![Manuscript](../img_360/012v_360.jpg) |
645 And whan I was inne, iwys,
646 Myn herte was ful glad of this.
647 ffor wel wende I ful sikerly
648 Have ben in paradys erthly;
649 So faire it was, that, trusteth wel,
650 It semede a place espirituel.
651 ffor certys, as at my devys,
652 Ther is no place in paradys
653 So good inne forto dwelle or be
654 As in that gardyne, thought me;
655 ffor there was many a bridde syngyng,
656 Thorough out the yerde al thringyng.
657 In many places were nyghtyngales,
658 Alpes, fynches, and wodewales,
659 That in her swete song delyten
660 In thilke places as they habiten.
661 There myght men see many flokkes
662 Of turtles and laverokkes.
663 Chalaundres fele sawe I there,
664 That wery, nygh for songen were.
665 And thrustles, terins, and mavys,
666 That songen forto wynne hem prys,
667 And eke to sormounte in her songe
668 That other briddes hem Amonge.
|