![Manuscript](../img_360/011v_360.jpg) |
597 ffor I entende to no thyng
598 But to my Ioye, and my pleyng,
599 And for to kembe and tresse me.
600 Aqueynted am I, and pryve
601 With myrthe, lord of this gardyne,
602 That fro the lande of Alexandryne
603 Made the trees hidre be fette,
604 That in this gardyne ben sette.
605 And whan the trees were woxen on hight,
606 This wall, that stant hrere in thi sight,
607 Dide myrthe enclosen al Aboute;
608 And these ymages, al withoute,
609 He dide hem bothe entaile and peynte,
610 That neithir ben iolyf ne queynte,
611 But they ben ful of sorowe and woo,
612 As thou hast seen a while Agoo.
613 'And ofte tyme, hym to solace,
614 Sir myrthe cometh into this place,
615 And eke with him cometh his meynee,
616 That lyven in lust and Iolite.
617 And now is myrthe therynne, to here
618 The briddis, how they syngen clere,
619 The mavys and the nyghtyngale,
620 And other Ioly briddis smale.
|