573   And she hadde on a cote of grene
574   Of cloth of gaunt; withouten wene,
575   Wel semyde by hir Apparayle
576   She was not wont to gret travayle.
577   ffor whan she kempte was fetisly,
578   And wel arayed and richely,
579   Thanne had she don al hir iourne;
580   For merye and wel bigoon was she.
581   She ladde a lusty lyf in may,
582   She hadde no thought, by nyght ne day,
583   Of no thyng, but it were oonly
584   To graythe hir wel and uncouthly.
585   Whan that this dore hadde opened me
586   This may, semely forto see,
587   I thanked hir as I best myght,
588   And axide hir how that she hight,
589   And what she was, I axide eke.
590   And she to me was nought unmeke,
591   Ne of hir answer daungerous,
592   But faire answeride, and seide thus:
593   'Lo, sir, my name is ydelnesse;
594   So clepe men me, more and lesse.
595   fful myghty and ful riche am I,
596   And that of oon thyng, namely;