453   And though she shulde an honged be;
454   ffor nakid as a worme was she.
455   And if the wedir stormy were,
456   ffor colde she shulde have deyd there.
457   She nadde on but a streit olde sak,
458   And many a cloute on it ther stak;
459   This was hir cote and hir mantell,
460   No more was there, nev a dell,
461   To clothe hir with; I undirtake,
462   Grete leyser hadde she to quake.
463   And she was put, that I of talke,
464   ffer fro these other, up in an halke;
465   There lurked and there coured she,
466   ffor pover thing, where so it be,
467   Is shamefast, and dispised Ay.
468   Acursed may wel be that day,
469   That povere man conceyved is;
470   ffor god wot, al to selde, iwys,
471   Is any povere man wel fedde,
472   Or wel araied or cledde,
473   Or welbiloved, in sich wise
474   In honour that he may Arise.
475   Alle these thingis, well Avised,
476   As I have you er this devysed,